الأحد , 17 أكتوبر 2021
مسرحية المتزوجون
مسرحية المتزوجون

شيرين تصرح عن كواليس مسرحية المتزوجون مع سمير غانم

كتب : هشام صلاح الدين

حكت الفنانة شيرين قصتها مع صرصار مسرحية المتزوجون خلال مداخلتها الهاتفية مع الإعلامى عمرو أديب في برنامجه “الحكاية” المذاع على القناة الفضائية mbc مصر، وقالت: “بيقولولي الفاميلي نيم بتاعي دلوقتي (شيرين صرصار).

اقرأ أيضا : تفاصيل الساعات الأخيرة في حياة سمير غانم

أنا مضطرة أحب الصرصار لأنه سبب شهرتي لكن مكنش حد ورا الإيفيه، أحنا كل يوم كنا بنعمل حاجة جديدة غير اليوم اللي قبله، فيه يوم أنا كان عندي برد وجيت أقول الصرصار مطلعتش وصوتي قطع، فالناس ضحكت، وقالي قولتي إيه؟ فخلاني أكرره ولما خرجنا قال فاكرة قولتي ايه؟ قولتله اه عشان انا بردانه، قالي لو مقولتيهاش كل يوم كدة هجيبلك كل يوم برد”.

ذكريات شيرين مع الراحل سمير غانم

وقالت عن الفنان سمير غانم: “هو فعلًا انسان بمعني الكلمة، عمره ما كان يهين حد وكان بيحب شغله جدا لدرجة انه كان يتفنن هيلبس الشخصية اللي هو بيعملها ايه، من حسن حظي إن أنا اشتغلت معاه في مسرحية المتزوجون”.

وتابعت: “أنا مكنتش أول حد يشتغل مسرحية المتزوجون كانت الفنانة هويدا قبلي، ومعملش معايا ولا بروفة، وفضل من ربنا إن أول مسرحية أعملها كاملة في حياتي تظل وتبقى لمدة 42 سنة، المسرحية اتصورت سنة 1979، ومن فضل ربنا عليا انها بتتعرض في العيد، وأجيال بتتعاقب عليها أجيال”.

إلتزام الراحل سمير غانم

وأكملت: “اتعلمت في مسرحية المتزوجون إني لازم أروح قبل العرض بساعتين، وهو كمان كان بيجي بدري، والأستاذ جورج بيجي بدري، ومفيش حاجة اسمها أن احنا بنستنى بعض ، أنا تعلمت في مدرسة الأستاذ سمير غانم إن أنا ممكن أضحك من غير ما أقصد.

لما كان يسمعني أقول حاجة يقولي فاكرة انتي قولتي ايه والناس ضحكت أقوله لا مش فاكرة يقولي قولتي كذا وقوليه تاني، واترجيته يعمل بروفة حتى واحدة قالي بكرة هنشتغل كتير”.

وأضافت: “النهاردة قد ما كنت حزينة على فراقه لكن كنت سعيدة جدا بولادي دنيا وإيمي سمير غانم وأزواجهم حسن ورامي، كنت شايفة بالظبط سورة في القرآن إن الواحد ميقولش ده جاب بنت أو ده مخلفش أو ده ذكراه مش هتبقى موجودة، إطلاقا”.

واستكملت: “لما كنت بعمل آخر مسرحية صورتها وصورها الأستاذ سمير (لما الزهر يلعب)،  يوم البروفة الرئيسية جت دنيا وجت إيمي يحضروا المسرحية ويشوفوا، وطلعلي الأستاذ أحمد الإبياري وقالي بليز يا شيرين النهاردة متوقف عليه هنعرض ولا لا، قلتله إزاي؟، قالي دنيا وإيمي جايين يشوفوا، ولو باباهم مش زي ما هما عارفينه على المسرح مش هيوافقوا إن إحنا نعمل المسرحية، فقلت له باباهم أحسن من كل مرة، باباهم هيفضل طول العمر يفخروا بيه، سلمت عليهم في النهاية وروحت لكن عرفت بعد كده من دلال عبدالعزيز إن البنات قالوا إن شيرين مع بابا حاجة تانية وبابا مع شيرين حاجة تانية”.

شاهد أيضاً

شريف دسوقي

دعوى قضائية ضد شريف دسوقي بتعويض قدره 5 ملايين جنيه

كتب : هشام صلاح الدين نظرت محكمة الجنح الاقتصادية أمس الأربعاء، الدعوى التي أقيمت ضد …

دلال عبد العزيز

ليلى زاهر تكثف الدعاء للفنانة دلال عبد العزيز بعد تدهور حالتها الصحية

كتب : هشام صلاح الدين قامت الفنانة الشابة ليلى أحمد زاهر بنشر صورة للفنانة دلال …

شريف دسوقي

شريف الدسوقي يتعرض لبتر ساقه بعد إصابته في “وقفة رجالة”

كتب : هشام صلاح الدين نشر الفنان شريف دسوقي منشورًا عبر صفحته الشخصية على موقع …