الأحد , 17 أكتوبر 2021
سالي عبد السلام
سالي عبد السلام

سالي عبد السلام تصرح عن سبب فسخ خطبتها

كتب : هشام صلاح الدين

صرحت الإعلامية سالي عبد السلام عن سبب حزنها في الفترة السابقة في برنامجها المذاع على الفضائية المصرية وبدأت حديثها قائلة: “زمان عدت علي جملة مكنتش فهماها أوي بتقلك إن لما حد يحكيلك همه كأنه ادالك حتة من جسمه بس بعد ما اشتغلت بقصة حقيقية بقى عندنا قصص كتير حقيقية عرفت أكثر معنى الجملة دي، عرفت معنى ان حد يثق فيك ويئتمنك على قصته وسره وهمه”.

اقرأ أيضا : ريهام سعيد تصرح: مفيش كرامة بين الزوجين ولو خانك سامحيه

وتابعت سالي عبد السلام قائلة: “احنا عملنا البرنامج ده علشان نجبر  بخاطركم ولكم لم أكن أعرف أو أتخيل أن رسايلكم وتعليقاتكم هي اللي هتجبر بخاطري وخاطر كل فريق العمل لأننا كلنا شبه بعض، على نياتكم ترزقون وربنا رزقنا كتير فاللهم لك الحمد، شكرا لكم على ثقتكم، شكرا ان قصصكم هي برنامجنا”

واستكملت سالي عبد السلام حديثها قائلة: “يمكن ناس كتير متعرفش أنا جيت في معظم الحلقات الي احنا صورناها أنا كنت باجي معيطة مش مكسوفة أن أقول إني كنت معيطة أهلي دائما بيستنوا مني أن ابقى قوية وعادي ومهيمكيش وكبري وايه الي حصل، اللي حصل أن المرة دي منيت نفسي أوي، أنا مش حقول إن اختياراتي غلط لأن أنا مبختارش انا ممكن ألاقيني داخلة في قصة وانا مخترتش، بختار أنه يبقى شخص مناسب زي ما المجتمع بيقول يبقى شخص ينفع بختار السكينة والمودة والرحمة مش زي ما الناس أغلبيتها بيقولوا دي بتتنك دي مش عاجبها العجب، اه كنت باجي التصوير كتير جدا معيطة وبالذات الشهر ده عشان كنت منية نفسي اني هكتب كتابي وكنت هتجوز بس الموضوع ما مشيش يعني لأن أغلب الي بنعرفهم مبقوش قد المسؤولية ومبقوش رجالة مبقوش يستاهلوا”.

وأضافت سالي عبد السلام : “زي ما انتم عندكم قصص حقيقية أنا دايمًا بقول ان المذيع الاجتماعي مش عليه حصانه، في ناس من أهلي وأصحابي بيخافوا يضايقوني وأطلع أحكي عليهم في البرنامج فبقيت استغل الموضوع ده وأقول لهم أنا معايا سلاح المايك وسلاح الكاميرا، وده بجد لأن احنا كلنا قصص كلنا بنقابل بعض لأسباب، وربنا اداني رزق كبير أوي، راضيتني يا رب ولك الحمد حتى ترضى، يمكن أخدت حاجات كتير قوي ومكنتش متوقعه انها تتاخد مني في الوقت ده بعد ما كنت منيت نفسي وحاولت اني أبني، بقيت الفترة دي كل ما اتكلم مع حد أعيط ويصعب عليا نفسي، بس انت عوضتني يارب، شكرا على ثقتكم وعلى كل حاجة حلوة وعلى جبر خاطركم واني رجعت اشتغل في بلدي تاني”.

شاهد أيضاً

شريف دسوقي

دعوى قضائية ضد شريف دسوقي بتعويض قدره 5 ملايين جنيه

كتب : هشام صلاح الدين نظرت محكمة الجنح الاقتصادية أمس الأربعاء، الدعوى التي أقيمت ضد …

دلال عبد العزيز

ليلى زاهر تكثف الدعاء للفنانة دلال عبد العزيز بعد تدهور حالتها الصحية

كتب : هشام صلاح الدين قامت الفنانة الشابة ليلى أحمد زاهر بنشر صورة للفنانة دلال …

شريف دسوقي

شريف الدسوقي يتعرض لبتر ساقه بعد إصابته في “وقفة رجالة”

كتب : هشام صلاح الدين نشر الفنان شريف دسوقي منشورًا عبر صفحته الشخصية على موقع …