ريهام سعيد
ريهام سعيد

ريهام سعيد تصرح: مفيش كرامة بين الزوجين ولو خانك سامحيه

كتب : هشام صلاح الدين

ظهرت ريهام سعيد في برنامجها “صبايا الخير” المذاع على قناة النهار وهي تناشد الزوجات بالحفاظ على بيوتهم وتطلب منهم عدم طلب الطلاق للأسباب الواهنة من وجهة نظرها.

بدأت ريهام سعيد حديثها قائلة: “زمان وأنا صغيرة كنت أطلع أقول اللي مش مرتاحة مع زوجها تطلق واللي بتيجي على كرامتها لازم تطلق ولو مش عايشة ملكة لازم تطلق ما ينفعش تبقي قاعدة علشان يتصرف عليكي وعلشان مالكيش مكان تروحيه”.

اقرأ أيضا : تصريحات يكشف عنها عزت العلايلي لأول مرة مع صاحبة السعادة

وأضافت: “أنا اتطلقت وأنا عندي 20 سنة فكنت واخدة الموضوع على إني بطلة إني عملت كدة، إن الشخص يقضي باقي حياته مش متفاهم مع زوجة دي حاجة مؤلمة جدا ولكن أكيد في طرق غير الطلاق، وأنا دلوقتي بغير كل الكلام اللي كنت بقوله من بدايتي في المحور وأنا عندي 24 سنة”

وتابعت: “إوعي تطلقي وتمشي ورا اللي يقولك كرامتك وشكلك، وخصوصا إذا كان عندك أطفال ومش معناها يتربوا في خناق ولكن نوصل لحل علشان مايبقاش في خناق، زي ما بنتفق على الطلاق نتفق على أسلوب الحياة بينا”

واستكملت ريهام سعيد قائلة: “الشتم والضرب ماتوافقيش عليه، ولكن سامحي، سامحي علشان ولادك ودي تحتيها سبعمائة ألف خط، تربية الأولاد بين الأبوين حاجة تانية، وكمية الأمان اللي موجودة حاجة تانية خالص، لو معيشاهم مع راجل وهو أبوهم حاجة تانية خالص، والست تاخد اللي هي عايزاه بذكاء، و بالحسنى، وده مش تنازل ده منتهى القوة انك تتنازلي وتيجي على نفسك علشان أولادك، إن عقلك يبقى أكبر وتسامحي وتلمي شمل بيتك”.

واستكملت ريهام سعيد حديثها الموجه للزوجات قائلة: “هيجي الوقت ويعرف قيمتك، الحق مش بيروح، مش بقول تعالي على كرامتك أو عيشي مهزقة لكن إذا كان ربنا بيغفر وربنا بيسامح، وإذا عرف واحدة تانية سامحيه مادام لسة مكمل معاكي ما تتنازليش عن بيتك أبدًا علشان مجرد نزوة، لو هو سابك ماشي لكن إنتي ما تمشيش في طلاق أبدًا لأن دي خطوة مش بتضر أولادك عادي، لكن إنك تربي أولادك بدون أب فأنتي تؤذيهم أذية كبيرة وغير طبيعية ولو ما حافظتيش على فكرة كونك أم مش هتبقي أي حاجة تانية”

وأضافت ريهام سعيد : “مش ندمانة على أي قرار أخذته في حياتي زمان، ولكن الواحد لما بيكبر بيعرف انه مينفعش يقول للناس لو غلط أو ما سألش سيبيه واطلقي واخربي بيتك مفيش حد بيموت من الجوع، مينفعش لازم تدي عذر للي أمامك مرة واثنين وثلاثة، ومش معناها إنك تيجي على نفسك وتضيعي حياتك لأن الحياة مش راجل، الحياة والدنيا وما فيها في سلامة أبنائك، سعادتك  مهما كانت مش هتعادل سعادتك لما تشوفيهم في حضن أبوهم مبسوطين”

وأنهت حديثها في ذلك الشأن قائلة: “أنا عارفة ان الدنيا هتتقلب عليا بس لله ما تتطلقوش وماتخربوش حياتكم إلا في الحالات القصوى جدًا زي الإدمان مثلًا، خطر على حياتك وحياة ولادك تعيشي مع شخص مدمن مش عايز يتعالج، لكن غير كده مافيش كرامة بين الأزواج ومافيش كرامتي وكرامتك بين الأزواج، لو أذاكي سيبي حقك عند ربنا، مش بقول يضربك لكن لو ضربك ما تهديش بيتك في لحظة”.

شاهد أيضاً

بوسي شلبي تحيى ذكرى رحيل الفنانة نادية لطفي

بوسي شلبي تحيى ذكرى رحيل الفنانة نادية لطفي

في ذكرى وفاة الفنانة الراحلة نادية لطفي، نشرت الإعلامية بوسي شلبي عبر صفحتها الشخصية على …

يوسف شعبان

يوسف شعبان يعود للدراما بعد شائعات تدهور حالته الصحية

كتب : هدير محمود صرح الفنان الدكتور أشرف زكي نقيب المهن التمثيلية في مصر، عن …

مسلسل نهضة السلاجقة العظمي

مسلسل نهضة السلاجقة العظمي من اضخم الانتاجات التركية

كتب : هدير محمود مسلسل نهضة السلاجقة العظمي الحلقة 19 مترجمة على قصة عشق  يعتبر …