الخميس , 29 سبتمبر 2022
eb8f2e7a9ce41b7f01ed92e2ffbca93f

مستوى عال من الاحترافية..الجمهور يشيد لفيلم كيرة والجن بعد ساعات من عرضه

أشاد قطاع كبير من الجمهور، بفيلم «كيرة والجن»، في أول أيام عرضه بالسينمات، بعد فترة طويلة من الانتظار، مُعتبرين أنه خرج على مستوى عالٍ من التميز والاحترافية، وطاقم العمل بذل جهودًا ضخمة.

اشادات الجمهور بفيلم كيرة والجن

وقال أحد المتابعين عن كيرة والجن ، «مش تخيل العظمة اللي شوفتها دلوقتي.. مكنتش متخيل إن في يوم هتفرج على فيلم مصري عظيم زي كده.. فيلم مفيهوش غلطة.. إخراج وتصوير وموسيقى وأداء ممثلين.. الفيلم ده تحفة هتعيش كتير»، فيما قال آخر «أخيرًا دخلت كيرة والجن بعد انتظار 3 سنين.. والحقيقة إن النتيجة كانت ممتازة وتستحق الانتظار ده كله.. القصة أحداثها في ثورة ١٩ ودن ده ممكن يكون ممل للأغلبية اللي مش مهتمة بالبعد التاريخي.. لكن هنا من أول دقيقه للفيلم واللي بتبدأ بحادث دنشواي الشهير لحد آخر لحظة أنت في جو وثائقي تاريخي ممتع سينمائي وبصري».

وأضاف «أحمد مراد قدم إعداد مميز لرواية 1919 وخلاها مناسبة بشكل مبهر لفيلم سينمائي.. مروان وحيد حامد، وهنا أنا لازم أكتب الاسم كامل لأن مروان بيثبت كل يوم جدارته وتطوره وقد إيه هو قد الاسم ده.. إخراج ممتع وصعب ومميز.. أجواء أكشن جديدة وأجواء فكرتنا بإبراهيم الأبيض.. جو مختلف عن كل ما تم تقديمه قبل كده.. التصوير العبقري لأحمد المرسي ممتع جدًا وكادرات ممتازة جدًا جدًا».

وتابع عن كيرة والجن، «التمثيل ممتاز من الكل ما عدا عدد معين.. أولا كريم عبد العزيز واللي قدم دور ممتاز بشكل سلس جدًا وكان واكل الجو كله في النص الأول من الفيلم واستمر بنفس الجودة في النص التاني.. أحمد عز واللي كان بيمثل بشكل كويس جدًا في النص الأول، إلا أنه بداية الفصل التاني تحول خالص وبقي هو الجوكر اللي في الفيلم واكل الجو من الجميع.. هند صبري ممتازة وقدمت الدور بشكل ممتع وبسيط».

فيلم «كيرة والجن»، من بطولة كريم عبدالعزيز، أحمد عز، هند صبري، روبي، أحمد مالك، عارفة عبدالرسول، والمخرج مروان حامد والمخرج المنفذ مروان عبد المنعم، وتأليف أحمد مراد.

شاهد أيضاً

حمزة نمرة

حمزة نمرة يحيى حفلاً غنائيًا بالإمارات اليوم

يستعد المطرب حمزة نمرة لإحياء حفلاً غنائيًا اليوم السبت، في مدينة الإمارات وذلك ضمن الحفلات …

IMG 20220729 WA0004

اليوم.. دنيا سمير غانم تطرح أغنية “اسيب نفسي وأغني” عبر اليوتيوب

نشرت الفنانة دنيا سمير غانم، بوستر أغنيتها الجديدة “اسيب نفسي وأغني”، عبر حسابها الرسمي بموقع …

315x420 8765b975eb2e8992dc2507f170261548b1aa6b9fd60401cfced41c9fed8a98fc 1

الفنانة ميسرة: عملية تجميل دمرت أنفي وسافرت فرنسا لعلاجها

عادت الفنانة «ميسرة»، للمشهد مرة أخرى بعد فترة طويلة من الغياب، وتصدرت «تريند» منصات التواصل …